BBC navigation

Nijar: Mutane 19 sun mutu a harin Agades

An sabunta: 23 ga Mayu, 2013 - An wallafa a 11:40 GMT
Shugaban Nijar, Mahamadou Issoufou

Gwamnatin Nijar na zargin kungiyoyi masu alaka da Al-Ka'ida da kai hare-haren

Ministan harkokin cikin gida na Jamhuriyar Nijar, Abdou Labo, ya shaida wa BBC cewa mutane 19 ne, ciki har da sojoji 18, suka rasa rayukansu a harin kunar-bakin-waken da aka kai wani barikin soji da ke birnin Agades.

An kashe hudu daga cikin 'yan kunar-bakin-waken, yayinda wani na biyar ya yi garkuwa da jami'an soji hudu a barikin.

A hari na biyu kuma a garin Arlit, ministan ya tabbatar da cewa mutane 50 sun jikkata.

An kai harin ne dai a kan wata mahakar ma'adinai ta kamfanin Areva na Faransa. Wadanda suka kai harin su biyu sun mutu.

Ministan ya ce ya zuwa yanzu babu wata kungiya da ta dauki alhakin kai hare-haren, amma yana zargin kungiyoyin mayaka masu alaka da kungiyar Al-Ka'ida.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.