BBC navigation

Turkiyya ta yi gargadi kan harin bam

An sabunta: 12 ga Mayu, 2013 - An wallafa a 07:19 GMT
Harin bama bamai a Turkiyya

Harin bama-bamai ya yi barna matuka

Kasar Turkiyya ta yi gargadin cewa za ta dauki duk wani mataki da ya kamata dan kare kanta, bayan da wasu bama-bamai suka tashi a cikin wasu motoci a wani gari da ke iyakar kasar da Syria.

Akalla mutane 40 ne suka rasa rayukansu a garin Reyhanli, inda da yawa daga cikin 'yan gudun hijirar Syria ke fakewa.

Gwamnatin Turkiyya ta ce ta na zargin wata kungiya da ke da alaka da hukumar leken asiri ta Syria da kai harin.

Kasar Turkiyya dai na daga cikin manyan magoya bayan 'yan adawa da ke yakar gwamnatin kasar Syria.

Mutane fiye da dari ne suka sami raunuka a fashewar a garin Reyhanli, inda ke da 'yan gudun hijirar yakin da ake yi a Syria.

Wani da ya ga abin da ya faru ya ce "Bom din ya fashe ne ba zato ba tsammani. Ina tsaye ne a can sai kawai bam din ya tashi."

Mataimakin Fira ministan Turkiyya ya ce sojin leken asiri na Syria ne ake zargi da kai harin.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.