BBC navigation

Afrika ta Kudu ta soki Birtaniya kan tsayar da agaji

An sabunta: 1 ga Mayu, 2013 - An wallafa a 16:12 GMT
Pretoria, Afrika ta Kudu

Pretoria, Afrika ta Kudu

Kasar Afirka ta kudu ta soki lamirin Birtaniya game da dakatar da baiwa kasar gudunmawar agaji kai tsaye.

Gudunmawar dai ta kai ta tsabar kudi dala miliyan talatin a shekara.

A cikin wata sanarwa, gwamnatin Afirka ta Kudu ta ce shawarar da Birtaniyar ta yanke a jiya, ta yi shi ne gaba-gadi, tana mai cewa zai yi mumman illa ga ayyukan da gwamnatin ke gudanarwa a halin yanzu.

Sashen bada taimakon raya kasashe na Birtaniyar ya ce an dauki hukuncin ne bayan tattaunawa da kasar Afrika ta kudun, da kuma nazarin cigaban da aka samu bayan kawo karshen mulkin wariyar launin fata.

Sai dai kuma wani dan majalisar Birtaniyar na bangaren adawa Ivan Lewis ya ce matakin zai shafi dangantakar Birtaniya da Afirka ta kudu.

Ya ce, "ko kadan ba haka ba ne, wannan babu shakka zai bata dangantakarmu da muhimmiyar kasar da muke abokantaka da ita."

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.