An samu karin daidaituwar al'amurra-IMF

  • 17 Aprilu 2013
Christine Lagarde
IMF ta ce gwamnatoci da bankuna na daukan matakai na rage tafka asara

Asusun bada lamuni na duniya IMF ya ce an samu karin daidaituwar al'amurra a harkar hada-hadar kudi ta duniya, sakamakon yadda gwamnatoci da manyan bankunan kasashe ke daukar matakai na rage tafka babbar asara.

Sai dai a wani sabon rahoto, asusun na IMF ya yi gargadin cewa idan kuma aka samu cikas a wannan yunkurin, matsalar tattalin arzikin za ta kara yin muni.

Asusun ya ce saka kudin ruwa maras yawa a kasashe masu tasowa na jefa masu zuba jari a cikin hadari, duk da cewar matakin na taimakawa wajen bunkasa ci gaba.

Wakilin BBC ya ce rahoton na cewar idan aka cigaba da samun nasara a fadin duniya wajen yin gyara a bankuna, sannan kuma garan bawul din bai tafiya yadda ya dace, to matsalar za ta iya ta'azzara.

Karin bayani