BBC navigation

Ba'a gano masu rai ba a Tibet

An sabunta: 30 ga Maris, 2013 - An wallafa a 06:27 GMT

Sama da ma'aikatan ceto dubu daya ne aka tura sansanin hako ma'adanan

Yan kasar China fiye da tamanin da kuma masu aikin hakar ma'adinai yan kasar Tibet ne ake fargabar sun rasa rayukansu, bayan da kasa ta rufta musu a Tibet.

Masu aikin ceto dai sun ce har yanzu ba su ga alamun akwai wani mai rai da ya rage ba a cikin wadanda kasar ta rufta musu a Lhasa, babban birnin Yankin Tibet.

Kafofin yada labarun gwamnatin China sun ce yansanda dubu daya, da ma'aikatan kwana-kwana da kuma likitoci aka tura inda lamarin ya faru.

Ma'aikatan da lamarin da ya rutsa da su dai suna yiwa babban kamfanin hakar zinare na China aiki ne.

Lamarin ya faru ne da safiyar ranar Juma'a amma ba'a samu bayanai ba sai da yammacin ranar Juma'a.

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.