BBC navigation

Matakin ceto Cyprus bai da ce ba - Putin

An sabunta: 18 ga Maris, 2013 - An wallafa a 16:46 GMT

Shugaban kasar Russia Vladmir Putin, ya soki shirin kasashen duniya na ceto tattalin arzikin kasar Cyprus wanda zai shafi masu ajiyar kudade.

Mr Putin ya ce babu adalci a cikin shirin kuma yana da illa.

An yi kiyasin cewa kamfanoni da bankunan Rasha sun ajiye akalla dala miliyan 30 a Cyprus a karshen bara.

Fira ministan Rasha Dmitry Medvedev, ya ce kasarsa na duba martanin da za ta mayar kan shirin na sanya haraji kan masu ajiya.

Matakin dai na fuskantar adawa daga jama'ar kasar ta Cyprus, kuma majalisar dokokin kasar ta dage muhawarar da ta shirya yi kan batun a yau zuwa gobe Talata.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.