BBC navigation

An cafke mutane 9 a Malawi bisa zargin juyin mulki

An sabunta: 11 ga Maris, 2013 - An wallafa a 15:22 GMT
Malawi

Masu zanga zanga a Malawi

'Yan sanda a kasar Malawi sun kama mutane tara, ciki har da tsaffin ministoci takwas da kuma mai ci guda daya, bisa zargin yunkurin juyin mulki bayan mutuwar shugaban kasar Bingu wa Mutharika a bara.

Wani bincike da aka gudanar a hukumance ya gano cewa mutanen - wadanda suka hada da kanin Mr Mutharika, sun yi kokarin hana mataimakiyar Shugaban Kasa ta wancan lokaci Joice Banda, hawa kan karagar mulki.

An zarge su da baiwa sojoji umarnin su yi juyin mulki.

'Yan sanda sun harba hayaki mai sa hawaye domin tarwatsa daruruwan masu zanga-zangar da suka taru a birnin Blantyre wadanda ke adawa da kama mutanen.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.