BBC navigation

Yara da dama sun kamu da kyanda a Najeriya

An sabunta: 6 ga Maris, 2013 - An wallafa a 17:02 GMT
Yaro mai fama da cutar gyanda

Ana alakanta barkewar wannan cuta da yanayin zafi da kuma karancin allura rigakafi

Rahotanni daga Jihohin Katsina da Kano na cewa dubban yara ne suka kamu da cuyar kyanda .

A Katsina an ce cutar ta watsu a dukkan kananan hukumomi 34.

Can ma a Kano hukumomi sun ce yara sama da dubu daya ne suka kamu da cutar ta kyanda, suna kuma jinya a asibitoci daban-daban na jihar.

Kwamishinan lafiya na jihar Dr. Abubakar Labaran yusuf ne ya tabbatar wa BBC hakan.

Masana al'amuran lafiya a Nigeria sun ce a yanzu haka ana fama da annobar kyanda a wasu sassan kasar.

Sai dai wasu rahotannin na cewa an samu karancin allurar rigakafin cutar, abin da ya taimaka wajen barkewarta.

Cutar ta barke ne a wasu kananan hukumomi biyar da suka hada da Tarauni da Gwale da Madobbi da Karaye da kuma Kabo.

A yakin na arewacin Najeriya, har yanzu ana samun iyayen da ba sa bari a yi wa 'ya'yansu alluran rigakafi.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.