BBC navigation

An sace wasu Faransawa bakwai a Kamaru

An sabunta: 19 ga Fabrairu, 2013 - An wallafa a 14:17 GMT
Taswirar Kamaru

Kasar Kamaru ta hada iyaka da Najeriya

Rahotanni daga Kamaru sun ce an yi garkuwa da wasu 'yan kasar Faransa akalla bakwai, a arewacin kasar kusa da kan iyaka da Najeriya.

An kame mutanen ne a wani kauye dake kimanin kilomita 10 daga Najeriya.

Jami'an tsaro a Kamaru sun ce sun yi amanna cewa, mutanen na komowa ne daga wajen shakatawa na Waza, inda 'yan kasashen waje ke zuwa yawon bude ido.

An ambato ofisihin jakadancin Faransa a Yaounde na cewa, wasu yan bindiga ne a kan babura suka kame mutanen, inda suka nufi Najeriya da su.

Shugaban kasar Faransa Francios Hollande ya ce iyali guda aka sace, kuma akwai yara hudu a cikinsu.

Inda ya kara da cewa kungiyar masu fafutuka a Najeriya ce ta yi awon gaba da Faransawan, kuma hukumomin Faransa sun san kungiyar.

Hakan na zuwa ne a lokacin da Faransa ke jagorantar yaki da masu fafutukar Islama a Mali.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.