BBC navigation

Oscar Pistorius zai fuskanci tuhumar kisa ranar juma'a

An sabunta: 14 ga Fabrairu, 2013 - An wallafa a 12:25 GMT
Oscar da budurwarsa Reeva

'Yan sanda sun ce, sun yi mamakin rahotannin dake cewa Oscar ya harbe Reeva ne, saboda zaton barawo ne

Ana tuhumar zakaran tseren nakasassu na kasar Afrika ta Kudu Oscar Pistorius da kisan budurwarsa a gidansa dake Pretoria.

'Yan sanda sunce an kai mista Pistorius caji ofis, kuma an kashe budurwarsa a gidansa.

Haka kuma sun tabbatar da cewa, za a gurfanar da wani mai shekaru 26 a gaban kuliya a ranar Juma'a.

A kasar Afrika ta Kudu ba a bayyana sunan mutumin da ake tuhuma, har sai an gurfanar da shi a gaban kotu.

Tun da fari dai 'yan sanda sun yi awon gaba da Mr Pistorius a game da lamarin da ya yi sanadiyyar mutuwar budurwarsa.

Yanayin da ya kai ga mutuwarta na da sarkakiya, kodayake ana cigaba da bincike game da kisan.

An harbi Reeva a ka da kuma kirji, kuma ta mutu a gidan Oscar, kafin a kaita asibiti.

Mista Pistorius mai shekaru 26 shi ne mutum na farko da bashi da kafafuwa biyu, da ya fara tsere a gasar Olympics.

Kafafen yada labarai na kasar sun bayyana sunan budurwar da cewa, wata mai tallar kayan kawa ce mai suna Reeva Steenkamp.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.