BBC navigation

Amurka za ta janye sojoji daga Afghanistan

An sabunta: 13 ga Fabrairu, 2013 - An wallafa a 05:51 GMT

Shugaba Barack Obama

Shugaban Amurka, Barack Obama, ya ce kasar za ta janye sojojinta guda dubu talatin da hudu daga kasar Afghanistan a badi.

Shugaban ya bayyana hakan ne a jawabinsa na farko ga 'yan kasar tun bayan zaben da aka yi masa a wa'adi na biyu.

Mista Obama ya ce tuni Amurka ta dawo da dakarunta guda dubu 33 gida daga Afghanistan, yana mai cewa a yanzu dakarun kasar za su rika taka rawa ce kawai a matsayin masu bayar da taimako ga sojojin Afghanistan.

Jawabin Mista Obama ya tabo batutuwa da dama, wadanda suka shafi yadda za a gina tattalin arzikin Amurka.

Ya ce Amurka za ta kammala kulla yarjejeniyar kasuwanci tsakanin ta da kasashen da ke nahiyar Asia.

A cewarsa, hakan zai bayar da dama a bunkasa yadda Amurka ke fitar da kayayyaki kasashen waje sannan a samarwa 'yan kasar karin ayyukan yi.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.