BBC navigation

Za a kafa gwamnatin kwararru a Tunisia

An sabunta: 7 ga Fabrairu, 2013 - An wallafa a 06:47 GMT

Hamadi Jebali

Firayim Ministan kasar Tunisia, Hamadi Jebali, ya ce zai kafa gwamnatin kwararru bayan da aka hallaka wani shugaban 'yan adawa, Shokri Belaid.

Mista Belaid ya yi kaurin-suna wajen sukar gwamnati kuma kisan sa ya haddasa mummunar zanga-zanga a wadansu biranen kasar, lamarin da hukumomi suka ce ya yi sanadiyar hallaka wani dan sanda.

A jawabin da ya yi ta gidajen talbijin na kasar shugaba Jebali ya ce gwamnatin da zai kafa, wacce ba ta da alaka da 'yan siyasa, za ta tafiyar da al'amurran kasar ne har zuwa lokacin da za a gudanar da zaben kasa baki daya.

Dubban masu zanga-zanga ne suka bukaci gwamnati ta jam'iyar Ennahda da ta sauka daga kan mulki sakamakon kisan da aka yi wa Mista Belaid.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.