BBC navigation

Mata a Maiduguri sun yi bore kan mazajensu

An sabunta: 7 ga Fabrairu, 2013 - An wallafa a 15:26 GMT
Tasirar birnin Maiduguri

Jihar Borno ta shafe sama da shekaru uku tana fama da tashin hankali

Rahotanni daga Maiduguri a Najeriya na cewa, daruruwan mutane akasarinsu mata, sun yi cincirindo domin jiran mazajensu da suka ce JTF za ta sake.

Matan sun yi dandazo ne a dandalin Ramat dake tsakiyar birnin, domin jiran 'yan uwansu da ake tsare da su a barikokin soji dake garin.

Sai dai daga bisani matan da dama sun bar harabar dandalin, inda suka bazu kan titunan birnin suka yi zanga-zanga, bayan sun fahimci babu alamun sakin mazajen nasu da kuma 'yan uwansu maza.

Amma, Rundunar hadin gwiwar samar da tsaro ta JTF a jahar, ta ce, babu kanshin gaskiya game da yi musu alkawarin sakin mutanen.

Mutane da dama ne ake tsare da su a Maidugurin, sakamakon matsalar tsaro da ake fama da ita, game da rikicin kungiyar nan da aka fi sani da Boko Haram.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.