BBC navigation

Mata sun koka da matsalar fyade a Afirka ta Kudu

An sabunta: 6 ga Fabrairu, 2013 - An wallafa a 19:00 GMT
Fyade a Afirka ta Kudu

Ana samun karuwar aikata fyade a Afirka ta Kudu

Kungiyoyin mata na jam'iyyar ANC mai mulkin Afrika ta Kudu, sun koka kan yadda ake samun karuwar aikata fyade a kasar, bayan da wata yarinya ta mutu sakamakon fyaden da wasu gungun mutane su ka yi mata a yammacin birnin Cape Town. Kungiyar matan sun ce lamarin ya kada su.

Yarinyar 'yar shekaru sha bakwai da haihuwa - an ce ta bayyana daya daga cikin wadanda su ka kai mata harin kafin ta mutu, kuma yanzu haka 'yan sanda na tsare da wani mutum guda.

Afrika ta Kudu na daya daga cikin kasashen da aka fi aikata laifukan fyade a duniya.

Wakilin BBC ya ce ba kamar kasar India ba, inda a kwanakin nan ake ta nuna damuwa kan batun fyade, batun ba haka yake ba a Afrika ta Kudu, inda ba a jin duriyar yawancin fyaden da ake aikata wa.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.