BBC navigation

Gwamnonin adawa a Najeriya na goyon bayan hadewa

An sabunta: 6 ga Fabrairu, 2013 - An wallafa a 07:15 GMT

Janar Muhammadu Buhari, daya daga cikin jagororin 'yan adawa a Najeriya

A Najeriya, gwamnonin jihohi goma da suka fito daga jam'iyyun adawa daban-daban sun amince su dunkule waje guda don samar da jam'iyyar da za ta kalubalanci jam'iyyar PDP mai mulki a zabukan da ke tafe.

Gwamnonin dai sun bayyana hakan a wani taro da suka gudanar a Lagos.

Sun bayyana cewa yunkurin nasu yana da matukar muhimmanci saboda a ceto kasar daga matsalolin da take ciki, wadanda jami'iyar PDP ta kasa magancewa.

Gwamnonin sun kara da cewa sun gudanar da taron ne domin su karfafa gwiwar kwamatocin da jam'iyun suka kafa don duba yiwuwar hadewar su.

A shekarar 2011 dai, jam'iyun ACN da CPC sun yi kokarin tsayar da dan takarar da zai fuskanci jam'iyar PDP amma lamarin ya ci tura.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.