BBC navigation

Ana cire mahaifar dubban mata a India

An sabunta: 6 ga Fabrairu, 2013 - An wallafa a 05:22 GMT

Matan India

A kasar India, bara-gurbin likitoci na cire mahaifar dubban mata a yayin da suke yi musu tiyata domin su rika samun kudi.

Wannan lamari ya fi faruwa ne a asibitoci masu zaman kan su inda likitoci kan shaidawa matan cewa dole ne a cire musu mahaifar idan ba haka ba su kamu da cutar daji.

Wadansu matan da BBC ta tattauna da su sun ce sukan biya kimanin dala 200 domin a cire musu mahaifa.

Gwamnatin kasar ta ce an samu karuwar asibitoci masu zaman kan su ne sanadiyar rashin samun cikakkiyar kulawa daga asibitocin gwamnati.

An bukaci sanya idanu a kan asibitoci

Matan da ke tsakanin shekaru 20 zuwa 30 sun fi kasadar fuskantar wannan lamari, kuma sun ce likitoci na shaida musu bukatar cire musu mahaifar da zarar sun je asibitocin, ba tare da ba su wani zabi ba.

Ministan bunkasa yankunan karkara na kasar, Jairam Ramesh, ya ce asibitocin gwamnati sun gaza aiwatar da ayyukansu.

Masu fafutikar kare hakkin mata sun bukaci gwamnati ta rika sanya idanu sosai a kan irin wadannan asibitoci domin a tabbatar cewa ba su ci gaba da yaudarar mata ba, musamman wadanda ke fitowa daga karkara.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.