BBC navigation

'Faransa ta kashe daruruwan 'yan tawaye a Mali'

An sabunta: 6 ga Fabrairu, 2013 - An wallafa a 06:44 GMT

Jean-Yves Le Drian yana gaisawa da wani soja

Ministan tsaron Faransa, Jean-Yves Le Drian, ya ce dakarun sojin kasashen duniya karkashin jagorancin kasarsa sun kashe daruruwan 'yan tawaye tun lokacin da suka fara kai farmakin soji a Mali a watan jiya.

Da yake magana da wani gidan talbijin na Faransa, Mista Le Drian, ya kara da cewa an yi matukar karya lagon 'yan tawayen.

Ya ce an kashe masu kaifin kishin Islama ne ko dai ta sama suna cikin motoci dauke da kayayyakinsu; ko kuma ta kasa, a fafatawar da suka yi a garin Konna, a farkon yakin, ko kuwa a garin Gao.

Masu sharhi a Faransa sun ce ba za a gane irin nasarar da kasar ta yi kan masu tayar da kayar bayan ba sai an yi la'akari cewa da fari an kiyasta 'yan tawayen za su kai 3000.

A nata bangaren, Faransa ta rasa soji daya, wanda ya mutu yayin wani hari da aka kai a jirgi mai saukar ungulu a farkon fara yakin.

Ma'aikatar tsaron ta ce adadin sojojin Mali da aka ritsa da su a yakin ba shi da yawa.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.