BBC navigation

Amurka ta gargadi Syria da kada ta tura wa Hezbollah makamai

An sabunta: 31 ga Janairu, 2013 - An wallafa a 22:00 GMT
Iyakar Isra'ila da Syria

An tsaurara tsaro a iyakar Isra'ila da Syria

Amurka ta shaidawa Syria cewa kada ta tura makamai zuwa ƙungiyar Hezbollah, ƙawarta a Lebanon, tana mai cewa irin wannan yunƙuri zai ƙara dagula al'ammura a yankin.

Jiya Laraba Isra'ila ta kai harin jiragen sama, wanda Amurka ta ce an kai shi ne a kan wasu jerin gwanon motoci dake ɗauke da makamai masu linzami na kakkaɓo jiragen sama da aka ƙera a Rasha .

Syria dai ta yi wa Majalisar Dinkin Duniya ƙorafi game da harin, wanda ta ce an kai shi ne kan wata cibiyar bincike ta sojoji dake kusa da Damascus, babban birnin ƙasar.

Wakilin BBC ya ce harin ya auku ne kusa da iyakar Syria da Lebanon, kuma jami'an diflomasiyya a Amurka sun yi ammanar cewa 'yan ƙungiyar Hezbollah aka yi niyyar kaiwa makaman.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.