BBC navigation

Twitter: An dakatar da shafin Al Shabaab

An sabunta: 25 ga Janairu, 2013 - An wallafa a 15:38 GMT

Shafin Al Shabaab da aka dakatar

An dakatar da shafin Twitter na ƙungiyar 'yan takifen Somalia ta Al-Shabab bayan da suka yi amfani da shafin wajen yin barazanar hallaka yan ƙasar Kenya da suka yi garkuwa da su.

Kamfanin na Twitter ya ki cewa komai akan dakatar da shafin, ko da yake dokokinsa ya haramta sanya barazanar haddasa tarzoma.

A ranar laraba ƙungiyar Islamar ta bayyana cewa rayuwar 'yan Kenyar da ta yi garkuwa da su na cikin hadari idan har Kenya ba ta sako fursunonin siyasar da take riƙe da su.

Tun da farko a wannan watan Al-Shabab ta sanar a shafinta na Twitter cewa za ta kashe wani bafaranshe Denis Alexx wanda ta yi garkuwa da shi ta kuma aikata hakan daga bisani.

Sai dai gwamnatin Faransa ta ce ya rasa ransa ne a lokacin da aka yi kokarin ceto shi makonni biyu da suka wuce.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.