BBC navigation

An rantsar da Barack Obama a wa'adin mulki na biyu

An sabunta: 20 ga Janairu, 2013 - An wallafa a 18:33 GMT
Barack Obama yana rantsuwar kama aiki

An gudanar da kwarya kwaryar biki a fadar white House

An rantsar da Barack Obama domin fara wa'adin mulkin sa na biyu a matsayin shugaban Amurka a wani kwarya kwaryan biki a fadar White House

Kundin tsarin mulkin Amurkar, ya tanaji shugaban kasa yayi rantsuwar kama aiki ne ranar 20 ga watan Janairu, amma kasancewar ranar ta fado a yau Lahadi, shugaba Obama zai maimaita rantsuwar kama aikin a gobe Litinin, a gaban dafifin jama'a a gaban ginin majalisar dokoki dake birnin Washington.

A can ne zai yi jawabi, inda zai bayyana manufofinsa cikin shekaru hudu masu zuwa.

Daga cikin kalubalen dake jiran shugaba Obama a wa'adin mulkinsa na biyu akwai sauye sauye kan dokokin mallakr bindigogi da na harkokin shigi da fici da kuma rage dimbin bashin da ake bin Amurka.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.