BBC navigation

Chavez zai ci gaba da mulki a Venezuela

An sabunta: 10 ga Janairu, 2013 - An wallafa a 06:27 GMT

Hugo Chavez na fama da rashin lafiya

Kotun kolin kasar Venezuela ta yanke hukuncin cewa Shugaba Hugo Chavez da gwamnatinsa ka iya ci gaba da mulki, duk da cewa shugaban kasar ba shi da cikakkiyar lafiyar da zai halarci bikin rantsar da shi.

Mista Chavez ya na asibiti a Cuba bayan aikin da aka yi masa na cutar sankara, kuma a cikin kimanin wata guda ba a gan shi a bainar jama'a ba.

Shugaban 'yan adawa Henrique Caprile ya amince da hukuncin kotun kolin, amma ya ce hakan ba zai kawo karshen rashin tabbas a Venezuela ba.

Shugaban Majalisar dokokin Kasar Diosdado Capello ya yi kira ga magoya bayan shugaban su fito kwansu da kwarkwatarsu don nuna goyon baya ga shugaban.

'Yan adawa kuwa kiran magoya bayan su suka yi da su kauracewa kan tituna don gujea arangama da masu marawa Shugaban Kasar baya.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.