BBC navigation

Sojin Mali na yunkurin kwace garin Douentza

An sabunta: 10 ga Janairu, 2013 - An wallafa a 13:08 GMT
Dakarun Mali

Dakarun gwamnati da masu fafutukar Islama sun yi artabu kusa da garin Konna

Dakarun sojin Mali sun yi wa garin Douentza kawanya, a wani yunkuri na karbe ikon garin dake hannun masu fafutukar Islama.

Kakakin sojin kasar, kanal Diaran Kone ne ya bayyana hakan.

Tun da fari, wata majiyar sojin ta ce dakarun gwamnati sun karbe garin, amma wani mazaunin garin ya musanta hakan.

Masu fafutukar Islama dai sun karbe iko da arewacin kasar, watanni tara da suka gabata, bayan sun fatattaki dakarun gwamnati.

A ranar Talatar da ta gabata ne, shugaban kungiyar Tarayyar Afrika, Thomas Boni Yayi ya bukaci NATO ta aika da dakaru Mali, domin yakar masu fafutukar Islama.

Wasu shugabanni a nahiyar Turai sun bayyana fargabar cewa , masu fafukar Islaman za su iya amfani da yankin Mali dake karkashin ikonsu, wanda girmansa ya kai girman kasar Faransa, wajen kai hari kan nahiyar Turai.

Sai dai majalisar Dinkin Duniya ta ce sai nan da watan Satumbar shekarar da muke ciki ne, za a kai dakaru Mali.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.