BBC navigation

Tattaunawa kan rikicin Sudan da Sudan ta Kudu

An sabunta: 4 ga Janairu, 2013 - An wallafa a 17:13 GMT
Tattaunawa tsakanin kasashen Sudan da Sudan ta kudu

Tattaunawa tsakanin kasashen Sudan da Sudan ta kudu

A ranar Juma'a ne shugabannin kasashen Sudan da Sudan ta kudu zasu tattauna kan rikicin dake tsakanin kasashen wanda ke dab da zama yaki biyo bayan samun 'yancin kai da Sudan ta kudun ta yi a shekarar 2011.

Rahotanni sun bayyana cewa za'a yi tattaunawar ce a Addis Ababa, babban birnin kasar Habasha saboda rikicin da kasashen ke yi akan Iyakoki.

Ana dai kyautata zaton cewa shugaba Omar al Bashar na Sudan da takwaransa Salva Kiir na Sudan ta kudu zasu tattauna ne akan hanyoyin da za'a bi don aiwatar da yarjejeniyar da suka cimma a watan Satumbar da ya gabata.

Sai dai wasu na ganin cewa mai yiwuwa babu wani sauyi da za'a gani a tattaunawar da shugabannin kasashen biyu zasu yi bayan zargin da hukumomin Sudan ta Kudu suka yi a baya bayan nan cewa Jamhuriyar Sudan ta kaddamar da hare hare a jihar Bahr el-Ghazal dake kudancin kasar.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.