BBC navigation

Rahotanni na cewa yawan mutanen da suka mutu a Syria sun kai dubu sittin

An sabunta: 2 ga Janairu, 2013 - An wallafa a 20:31 GMT
hare hare a Syria

hare hare a Syria

Majalisar Dinkin Duniya ta ce yanzu tana ganin mutanen da suka mutu a yakin basasar da ake yi a Syria ya kai dubu sittin.

Kwamishinar Kare Hakkin bil Adama ta Majalisar Dinkin, Navi Pillay, ta fada a birnin Geneva cewa yawan wadanda suka rasun ya zarce yadda suka zata a baya, kuma hakan yana da matukar tada hankali.

Yayin da hakan kuma ke faruwa, rahotannin baya-bayan daga Syriar sun ambaci 'yan tawaye na cewa wani hari ta sama da sojin gwamnati suka kai a kan wani gidan mai ya halaka mutane fiye da saba'in da biyar.

Shaidu sun ce sun ga konannun gawarwaki bayan harin a unguwar Mleiha, dake bayan birnin na Damascus.

An ce mata da yara na daga cikin wadanda suka mutu din.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.