BBC navigation

Ramalan Yero sabon gwamnan Kaduna

An sabunta: 16 ga Disamba, 2012 - An wallafa a 15:27 GMT
Taswirar jahar Kaduna

Taswirar jahar Kaduna

A yau aka rantsar da sabon gwamna a jahar Kaduna bayan rasuwar gwamnan jahar Patrick Ibrahim Yakowa a wani hadarin jirgin sama a jahar Bayelsa.

A jiya ne dai wani jirgin saman soji mai saukar ungulu dake dauke da Mr Yakowa da tsohon mai baiwa shugaban kasar shawara kan harkokin tsaro Janar Andrew Azazi ya fadi a kan hanyarsa ta zuwa birnin Patakwal.

Inda baki dayan mutane shidan dake cikin jirgin suka rasa rayukansu.

Tuni kuma shugaban Goodluck Jonathan na Najeriyar ya bada umurni da a gudanar da cikakken bicike kan musabbabin hadarin jirgin.

Wannan umarnin na shugaba Goodluck din dai na kunshe ne a cikin sanarwar ta'aziyyar wadanda hadarin jirgin ya rutsa da su ne inda ya ce rashin nasu gagarumar asara ce ga kasar baki daya.


Mutumin da aka rantsar a matsayin sabon gwamnan jahar ta Kaduna dai shi ne mataimakin tsohon gwamnan Alh Muktar Ramalan Yero, kamar yadda kundin tsarin mulkin kasar ya tanadar.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.