BBC navigation

Jam'iyyar LDP na shirin komawa mulki a Japan

An sabunta: 16 ga Disamba, 2012 - An wallafa a 15:20 GMT
Shinzo Abe, jagoran jam'iyyar LDP a Japan

Shinzo Abe, jagoran jam'iyyar LDP a Japan

Sakamakon jin ra'ayi a Japan na nuna cewa jam'iyyar LDP ta masu matsakaicin ra'ayin rikau da ta dade tana mamaye da harkokin mulki, amma kuma ta sha kaye a zabe shekaru uku da suka wuce, a yanzu tana shirin komawa kan karagar mulki.

Masako Sasaki wata wadda ta kada kuri'a, ta zargi Jam'iyyyar Democratic da rashin cika alkawurran da dauka , don haka naka ta juya ma ta baya a wannan karon.

Sakamakon na nuna cewa jam'iyyar ta LDP zata samu babban rinjaye, ita kuma jam'iyyar Democratic wadda ta samu gagarumar nasara a zaben 2009 zata sha mummunan kaye.

Hakan shi zai sa jagoran jam'iyyar ta LDP, Shinzo Abe, mai ra'ayin rikau, dake goyon bayan mallakar makaman nukiliya, sake zama praminista a karo na biyu.

Ya sha alwashin daukar tsauraran matakai a kan kasar China.

A baya Mr Abe ya taba musanta zargin cewa dakarun kasar Japan sun rika tilasta ma mata a kasar China yin lalata da su, a lokacin Yakin Duniya na Biyu. Dangantaka tsakanin China da Japan dai da ma ta tabarbare, yanzu kuma akwai alamun zata kara sukurkucewa.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.