Yunkurin kawar da cin zarafin yara a intanet

  • 10 Disamba 2012
Yunkurin kawar da cin zarafin yara a intanet
Kasashe 48 ne ke cikin wannan gangami

An kaddamar da wani sabon yunkuri domin shawo kan cin zarafin yara a intanet.

Kasashe 48 ne za su shiga cikin gangamin, da suka hada da Australia, New Zealand, Najeriya da kuma wasu kasashen yankin Asia, Turai da Amurka.

Za a duba hanyoyin da za a rage wannan dabi'a da kuma kara yawan wadanda ake hukunta wa.

Wannan na zuwa ne kwanaki kadan kafin bude sabuwar cibiyar yaki da aikata laifuka a internet ta Turai a birnin Hague.

Sabon shirin yara kanana

Manufar dai na da aniyar shawo kan matsalar lalata da kananan yara a internet.

A bangare guda kuma, kamfanin Amazon na shirin kaddamar da wani shiri na musamman domin yara kanana.

Shirin wanda zai samar da fina-finai da litattafai da wakoki ba adadi daga dala 3 zuwa 10 a wata.

Za a fara kaddamar da shirin ne a Arewacin Amurka - da kuma manhaja a kwamfiyutar hannu ta Amazon Kindle Fire.

Karin bayani