Ana artabu tsakanin magoya baya da 'yan adawa a Masar

  • 5 Disamba 2012
masar
Birnin Alkahira ya sake fadawa cikin rikici

Magoya baya da masu hamayya da Shugaba Mohammaed Morsi na Masar na fada tare da bama baman da ake hadawa da fetur da kuma duwatsu a wajen fadar Shugaban kasa a Alkahira.

Dubbai kuma sun samu raunuka a yayinda 'yan sanda suka shiga tsakani domin kokarin dakatar da artabun, wanda ya soma a lokacin da magoya bayan Shugaban suka je domin tarwatsa wani sansanin 'yan adawa a wajen fadar Shugaban kasar suna zanga-zanga game da sabon daftarin tsarin mulki.

Shugabannin 'Yan adawa sun ce sun dora alhakin tashin hankalin a kan Shugaba Morsi.

Sun ce a shirye suke su sasanta idan ya soke wata dokar da ta ba shi cikakken iko sannan ya soke kuri'ar raba gardama da za a yi kan tsarin mulkin.