BBC navigation

Jonathan ya gabatar da kasafin kudin 2013

An sabunta: 10 ga Oktoba, 2012 - An wallafa a 11:38 GMT
Nigeria

Shugaba Goodluck Jonatthan


Shugaban Nigeria Goodluck Jonathan ya gabatar da kasafin kudin shekarar 2013 na sama da naira trillion hudu a gaban zauren Majalisar Dokokin kasar a Abuja.

Kasafin kudin na badi ya zarta kasafin kudin bana da kimanin kashi biyar cikin
dari.

Shugaba Jonathan ya ce an tsara kasafin kudin badin ne akan dala sabain da biyar akan kowace gangar mai, kuma kudaden shigar kasar gabaki daya zai karu da kashi shida da digo shida.

Sai dai kakakin Majalisar wakilai ta Najeriya Aminu Waziri tambuwal, ya ce sun kara kudin gangar man zuwa dala tamanin domin amfani da rarar kudin da za a samu wajen rage basussukan cikin gida da ake bin kasar.

Kasafin kudin badin na nuni da cewa kudaden shigar kasar zai cigaba da habaka daga bangaren da ba na man fetur ba.

Haka kuma shugaba Jonathan ya ce za'a kara wa bangaren manyan ayyuka kaso daga kasafin kudin fiye da abin da aka ware masa a kasafin kudin bana.

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.