BBC navigation

Harin bom ya hallaka mutane 16 a Somalia

An sabunta: 21 ga Satumba, 2012 - An wallafa a 07:38 GMT

Barnar da wani harin ya yi a Mogadishu

Wasu 'yan kunar-bakin-wake biyu sun tayar da bama-bamai a wani gidan abinci da ke Mogadishu, babban birnin Somalia inda suka kashe kansu da akalla mutane goma sha hudu.

Gidan abincin wanda ke dab da gidan nuna wasan kwaikwayo na kasar wuri ne da 'yan jarida da 'yan siyasa ke yawan halarta.

Tsohon editan gidan talabijin na Somalia, da wasu 'yan jarida biyu da 'yan sanda biyu suna daga cikin mutanen da aka kashe.

Wani dan jarida mai daukar hoto a wajen ya bayyana yadda bama-baman suka yi kaca-kaca da kawunan 'yan kunar bakin-waken, yana mai cewa jinin mutane ya fantsama ko'ina a gidan abincin.

Shugaban kasar ta Somalia, Hassan Sheikh Mahmud, ya yi Alla-wadai da harin.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.