BBC navigation

Fim: Amurka na rarrashin musulman Pakistan

An sabunta: 21 ga Satumba, 2012 - An wallafa a 06:46 GMT

Obama da Clinton


Ma'aikatar harkokin wajen Amurka ta kashe dala 70000 a kan tallace-tallacen da ta bayar a gidajen talabijin na kasar Pakistan da zummar rage kaifin bacin ran da wani fim da aka yi a kasar, wadanda ya yi batanci ga addinin musulunci, ya jawo.

Tallace-tallacen sun nuna shugaba Obama da Sakatariyar wajen Amurka, Hillary Clinton na yin Alla-wadai da fim din.

Mista Obama ya bayyana Amurka da cewa kasa ce da ke mutunta kowane addini don haka ba ta da muradin cin zarafin kowane addini.

Ita ma Sakatariya Clinton ta ce gwamnatin Amurka ba ta da hannu a shirya fim din wanda aka yi a jihar Califonia.

Dubban jama'a ne suka yi yunkurin yin gagarumin maci zuwa ofishin jakadancin Amurka da ke Islamabad ranar Alhamis, sai dai 'yan sanda sun hana su.

Gwamnatin Pakistan ta bai wa 'yan kasar hutu ranar Juma'a domin su samu damar gudanar da gangamin nuna kyama ga fim din.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.