BBC navigation

Fim din batanci: Taliban ta kashe sojan Amurka 2

An sabunta: 15 ga Satumba, 2012 - An wallafa a 07:14 GMT

Mayakan Taliban

Wani hari da mayakan Taliban suka kai kan wani babban sansanin sojojin kasashen waje a Afghanistan ya halaka akala sojan Amurka biyu.

Hakama wasu karin Amurkawan biyar sun samu raunukka a cikin harinda aka kai kan sansanin Camp Bastion dake lardin Helman.

Yarima Harry, Kyaftin a Sojan Burtaniya na a cikin sansanin lokacinda aka kai harin amma bai samu rauni ba.

Rundunar Sojan Amurkar dai ta tabbatarda mutuwar sojan biyu a harin yayinda wasu rahotannin dake fitowa daga Afganistan din suka ce mayakan taliban 16 sun mutu a cikin harin.

Sanarwar ta Taliban

Kungiyar ta Taliban fitar da wata sanarwa inda tace ta kai harin ne a zama ramuwar gayya kan fitarda film din ke muzanta addinin musulunci da Amurkawa suka yi.

Sanarwar wadda ta fito daga wani mai magana da yawun kungiyar Yusuf Ahmadi Qari, wadda bbc ta samu, tace mujahidai masu neman shahada gommai ne suka afkawa sansanin wadanda ta kira 'abokan gaba' na biyu mafi girma a kasar da ta kira 'daular Islama'.

Tace haka kuma mujahidan sun samu kashe wadanda ta kira 'sojan mamaya' gommai kuma suka lalata jiragen saman yaki da masu saukar ungulu samfuri Apache da Chinok masu yawa.

Sanarwar tayi da'awar cewar sansanin na can na ci da wuta kuma bakin hayaki ya turnuke shi yayinda harin ke cigaba.

Ta kara da cewar Kungiyar ta tsara kai wasu hare-haren a wasu sassan kasar a wani bangare na ramuwa ga cin zarafin da aka yiwa Annabi Muhammadu Alaihissalatu wassalam.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.