Masu zanga-zanga a Alkahira
Zanga-zangar nuna kyamar wani fim da aka yi a Amurka wanda ya muzanta Musulunci ta yadu zuwa kasashen Musulmi da dama.
A Tunisia, masu zanga-zanga sun kutsa kai cikin harabar ofishin jakadancin Amurka, inda suka kunna wata wuta ganga-ganga.
Gidan talabijin na Tunisia ya ce an kashe mutane uku a wata hatsaniya tsakanin masu zanga-zangar da jami'an tsaro.
A Khartoum, babban birnin Sudan kuma, masu zanga-zangar sun kutsa kai cikin ofishin jakadancin Jamus, inda suka kekketa tutar kasar ta Jamus suka maye gurbinta da wani kyalle mai dauke da rubutun Musulunci.
An kuma kai hari a kan karamin ofishin jakadancin Birtaniya, yayinda masu zanga-zangar gungu-gungu suka shiga harabar ofishin jakadancin Amurka.
Zanga-zangar ta kuma yadu zuwa Najeriya, da India, da Malaysia, da Indonesia, da Birtaniya.
~RS~a~RS~hausa~RS~q~RS~num_headlines=3&genre_name=homepage&genre_path=&genre_link=0&genre_title=Manyan Labarai~RS~z~RS~32~RS~){kind=small}
