BBC navigation

Dakarun Turkiyya sun hallaka yayin fada da Kurdawa

An sabunta: 3 ga Satumba, 2012 - An wallafa a 07:52 GMT
Sojin kasar Turkiyya

Sojin kasar Turkiyya na gudanar da aikin sintiri a kan iyakar Turkiyyar da Iraqi dake Lardin Sirnak.

Dakarun kasar Turkiyya kimanin tara ne suka hallaka a ricikin 'yan tawayen Kurdawa da ya abku a yankin Sirnak kamar yadda hukumomi suka bayyana, kana masu tada kayar baya kimanin 20 kuma aka hallaka a kusa da kan iyakar kasar Syria da Iraki.

Fadan dai ya rincabe ne da tsakar daren Lahadi, kuma ana ci gaba da gwabza wa.

Rikicin tsakanin jami'an soji da mayakan 'yan tawayen Kurdawa na PKK, wadanda suke neman 'yancin cin gashin kai ya kara kazanta a yankin cikin shekara guda.

Kafar yada labarai ta kasar Turkiyya ta ce mayakan 'yan tawayen na PKK sun kai hari da bindigogi da rokoki kan harabar sansanin soji a garin Beytussebap a daren Lahadi, wanda ya yi sanadiyyar jikkatar jami'an tsaro takwas.

An dai dora alhakin kazancewar rikicin a cikin watannin baya-bayan nan kan fadan da ke faruwa a makwabciyarta kasar Syria.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.