BBC navigation

Pakistan: an kashe jagoran Haqqani

An sabunta: 25 ga Agusta, 2012 - An wallafa a 15:22 GMT

Dakaru a yankin Waziristan.

Dangin daya daga cikin shugabannin kungiyar Haqqani, daya daga cikin fitattun kungiyoyi masu daukar makamai a Afghanistan, ya ce an kashe shi, a sakamakon wani hari na jiragen saman yakin Amurka masu saffara kan su.

Dan uwan Badruddin Haqqani ya shaidawa BBC cewa an kashe shi ne ranar Talata, a wani harin da jirgin saman Amurka maras matuki ya kai a yankin Waziristan ta Arewa na kasar Pakistan.

Rundunar sojan Amurka dai ba ta tabbatar da kisan ba, amma idan hakan ya tabbata, masu aiko da rahotanni na cewa zai kasance babbar nasara ga dakarun Amurka a Afghanistan.

A wani lamarin na daban, wani harin da NATO ta kai ta sama, a gabashin Afghanistan, ya halaka wani kwamandan Taliban na Pakistan, Mullah Dadullah, da wasu mayaknsa sama da goma.

Amurka dai na cigaba da kai hari wasu yankunan Pakistan dake kan iyaka da Afghanistan ta hanyar amfani da jiragen sama masu sarrafa kansu.

Sai dai kuma Pakistan na cigaba da nuna rashin jin dadinta da irin wadannan hare-hare, sai dai kuma Amurka kan ce, yankunan da take kai hari suna karkashin ikon mayakan sa kai ne, ba gwamnatin Pakistan ba.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.