BBC navigation

Musulmin duniya sun yi bikin sallah karama

An sabunta: 19 ga Agusta, 2012 - An wallafa a 16:08 GMT
Musulmi na Sallah

Musulmi na Sallah

Ranar Lahadi Musulmi a fadin duniya suka yi bukukuwan sallar Eid el-Fitr wadda aka fi sani da karamar sallah.

Ana wadannan bukukuwan ne bayan kammala azumin watan Ramadan.

Al'ummar Musulmin a Najeriya sun bi sahun takwarorinsu da ke sauran bangarorin duniya wajen yin bikin na sallah.

Sai dai wadansu mazauna Abuja, babban birnin kasar sun yi kukan cewa bikin ya same su ne a cikin wani halin kunci, sakamakon matsalar karancin man fetur da suke fuskanta.

Akasarin gidajen man da ke birnin na Abuja dai a rufe suke, yayin da 'yan bunburutu ke sai da mai a kan farashi mai tsadar gaske.

Jiya wasu suka yi tasu sallar

Tun a jiya ne dai wadansu kasashen wadanda suka hadar da Nijar, da Pakistan, da Afghanistan suka yi tasu sallar domin, a cewarsu, sun ga wata.

A lokaci irin wannan, Musulmi kan yi kwalliya su je Sallar Idi domin raka'a biyu ta nafila.

Bayan nan ne kuma suke ci gaba da taya juna murna ta hanyar ziyarce-ziyarce da kuma wadansu nau'o’in nishadi.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.