BBC navigation

Matan Tunisia na zanga-zangar neman daidaito

An sabunta: 14 ga Agusta, 2012 - An wallafa a 18:40 GMT
tunisia women

tunisia women protest


Dubun dubatar mata a Tunisia na zanga-zanga a Tunis babban birnin kasar, domin nuna adawa da matakin
da gwamnatin ta dauka na cewa wani sashe na sabon kundin tsarin mulkin da yanzu haka ake rubutawa, wanda jam'iyyar Ennahda ke goyon baya, na yin karan tsaye ga hakkin mata.

Zanga-zanga na ci gaba da kara karfi a Tunisia ne kan abin da wasu ke yi wa kallon matakan takaita 'yancin mata ne daga jam'iyyar 'yan ra'ayin Musulunci wadda ta yi nasara a zabe, bayan faduwar gwamnatin Zine El Abidine Ben Ali da ya dade yana mulkin kasar.

Gwamnatin ta fitar da daftarin doka da ke nuni da mata a matsayin mataimaka,maimakon daidai da maza.

Akasarin matan masu zanga-zanga sun daga kwalaye sama da aka rubuta ''mata ku tashi ku nemi yancinku.''

Kundin tsarin mulkin kasar ta Tunisia na shekarar 1956 ya tanadi cewa mata da maza daidai suke, ya kuma hana auren mace fiye da daya.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.