BBC navigation

Syria: an harbo jirgin gwamnati

An sabunta: 13 ga Agusta, 2012 - An wallafa a 20:51 GMT

Jirgin saman yaki na Syria da aka harbo

Mayakan 'yan tawayen Syria, sun ce sun harbo wani jirgin yakin gwamnati kusa da kan iyakar kasar da Iraqi.

Hotunan da aka sanya a shafin Internet sun nuna wani jirgi yana cin wuta, bayan karar harbin bindiga.

'Yan tawayen sunce sun kama matukin jirgin.

Wani bidiyo ya nuna wani mutum yana cewa ya samu rauni, amma wadanda suka kama shi, suna masa magani.

Gidan talabijin na Syria dai ya tabbatar da cewa jirgin ya yi hatsari, amma yace sakamakon wata matsala ce da jirgin yaci karo da ita.

Wani wakilin BBC a yankin yace idan har aka tabbbatar da cewar harbo jirgin aka yi, to hakan na nufin an shiga wani sabon babi ke nan a rikicin Kasar ta Syria.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.