BBC navigation

Morsi na neman goyon bayan Misrawa

An sabunta: 13 ga Agusta, 2012 - An wallafa a 07:50 GMT

Morsi da Tantawi da kuma wasu jami'an gwamnatin Masar

Shugaban kasar Masar, Mohamed Morsi, ya yi kira ga 'yan kasar da su goya masa baya, bayan da ya sauke shugaban rundunar sojin kasar mai karfin iko.

'Yan kungiyar 'yan uwa musulmi ta Muslim Brotherhood sun jinjinawa matakin da Morsi ya dauka na cire shugaban sojin, Mohamed Hussein Tantawi.

Da dama daga cikin 'yan kasar sun ce cire Tantawi ya zama cikamakin juyin-juya halin da aka yi a kasar.

Shugaba Morsi ya rusa dokar da sojojin kasar suka yi wacce ta takaita ikon gwamnatin farar hula, kana ta bai wa sojoji cikakken iko.

Mista Morsi ya ce ya dauki matakin ne ba domin ya batawa wani rai ba.

Mista Tantawi ya karbi ikon tafiyar da kasar ne bayan hambarar da shugaba Hosni Mubarak daga kan mulki a shekarar da ta gabata.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.