BBC navigation

Ana taro a kan matsalar yunwa a London

An sabunta: 12 ga Agusta, 2012 - An wallafa a 15:30 GMT
David Cameron

David Cameron

Firayim Ministan Birtaniya, David Cameron, yana karbar bakuncin wani taro a kan yadda za a tunkari matsalar yunwa a duniya a London.

Mista Cameron dai na fatan tara isassun kudaden da ake bukata ne don hana kananan yara 'yan kasa da shekaru biyar fama da karancin abinci mai gina jiki nan da Gasar Olympics ta 2016 a Brazil a matsayin wani abin tarihi da Gasar Olympics ta London ta gadar.

Duncan Green jami'i ne a kungiyar bayar da agaji ta Oxfam, ya kuma shaidawa BBC cewa Birtaniya na so ne ta yi amfani da wannan dama don wayar da kai dangane da matsalar ta yunwa:

“Ina ganin wannan taro ya dace kasancewar za a tara al'ummar duniya don su gudanar da wani muhimmin al'amari”, in ji Mista Green.

’Yan siyasa daga Brazil da Kenya da Bangladesh da ma wadansu fitattun 'yan wasa suna halartar taron.

Maudu'o'i masu alaka

  • ,

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.