BBC navigation

Ministan harkokin wajen Burkina Faso na ziyara a Arewacin Mali

An sabunta: 7 ga Agusta, 2012 - An wallafa a 21:42 GMT
Djibril Bassole

Djibril Bassole

Ministan harkokin wajen Burkina Faso, Djibril Bassole, ya ziyarci arewacin Mali domin shiga tattaunawar tsakani da shugabannin 'yan tawaye masu tsattauran ra'ayin addinin Islama da suka kwace iko da yankin.

Wannan dai shine karo na farko da wata tawagar da aka nada daga yankin Afirka ta Yamma ke ziyartar kasar ta Mali kai tsaye.

Ba a dai cimma nasara a tattaunawar da aka yi a baya da 'yan tawayen a Burkina Faso ba,wadanda suka ce suna bukatar shari'ar musulunci ta yi karfi a mulkin kasar, suna masu cewa ba za su sassauta matsayinsu a kan wannan batu ba.

Babban jami'in hukumar da ke sa ido wajen tabbatar da shari'ar musulunci dake birnin Gao ya shaidawa BBC cewa batun har yanzu bai sauya ba.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.