BBC navigation

Ana zaman dar-dar a Okenen Nijeriya

An sabunta: 7 ga Agusta, 2012 - An wallafa a 09:49 GMT

Wani waje da aka kai wa hari a Najeriya

Rahotanni daga garin Okene na jihar Kogi da ke arewacin Nigeriya na cewa ana zaman dar-dar a garin bayan da wasu 'yan bindiga suka harbe sojoji biyu da yammacin ranar Talata.

Wannan harin na zuwa ne bayan wani hari da 'yan bindiga suka kai akan wata mujami'a da ke garin, lamarin da ya yi sanadiyar mutuwar mutane goma sha tara , yayin da wasu da dama suka samu raunuka.

An kafa dokar hana fita a garin na Okene da kewaye daga karfe shida na yamma zuwa shida na safe.

Kazalika, Supeto Janar na 'yan sandan Najeriya, MD Abubakar, ya bayar da umarnin tsaurara matakan tsaro a duk wuraren ibada na garin na Okene da kewaye, a wani mataki na hana sake aukuwar wasu hare-haren.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.