BBC navigation

Syria: Burtaniya tayi maraba da kudurin Majalisar Dinkin Duniya

An sabunta: 4 ga Agusta, 2012 - An wallafa a 07:31 GMT

Sakataren harkokin wajen Burtaniya Williams Hague

Sakataren harkokin Wajen Burtaniya Willianms Hague yayi marhabin da da kudurin da majalisar dinkin duniya da ammince dashi a jiya wanda yayi tir da tashin hankalin da akeyi a Syria tare da neman a sauya gwamnati a kasar.

Mr. Hague yace wannan ya aike da wani sako karara cewar duniya tayi kai daya wajen yin tir da abinda ya kira ''keta hakki bil adama da gwamnatin Syria keyi''kuma ta (duniyar) bukaci ta dauki mataki farko na kawo karshen fadan.

Sai dai kuma wakiliyar BBC a Majalisar Barbara Plett tace duk da gagarumin goyon bayan da aka baiwa kudurin babu yiwuwar ya kawo wani sauyi a matakin da gwamnatin Syria ke dauka, saboda kudurin babban taron majalisar ba abu ne da ya zama wajibi ayi aiki dashi ba bisa doka.

Amma kuma kasashen yamma na fatan wannan gagarumi goyon bayan zai kara matsawa kasashen Rasha da China lamba wadanda suka hau kujerar naki a kudurorin kwamitin tsaro na Majalisar wadanda aiki dasu ya zama wajibi.

Matsayin Rasha da China

Kasashen biyu dai na daga cikin kasashen 'yan kalilan da suka ki baiwa kudurin na jiya goyon baya.

A maimakon haka ma sai suka yi tir dashi sun cewar ya dora laifi ne kawai kan bangare daya a fadan tare da nuna cewar sunanan kan bakar su.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.