BBC navigation

Majalisar Dinkin Duniya ta bukaci bincike a Burma

An sabunta: 4 ga Agusta, 2012 - An wallafa a 20:54 GMT
Musulmin kasar Burma

Musulmin kasar Burma

Majalisar Dinkin Duniya ta bukaci hukumomin Burma su gudanar da cikakken bincike a kan tashe-tashen hankulan da aka samu tsakanin mabiya addinin Buddha masu rinjaye a kasar da kuma Musulmi marasa rinjaye.

An dai bayar da rahoton cewa kusan mutane tamanin aka kashe a rikicin.

Da yake jawabi a karshen ziyarar da ya kai ta kwanaki shida a kasar ta Burma, babban jami'in Majalisar ta Dinkin Duniya, Tomas Ojea Quintana, ya ce ya samu rahotanni da dama na keta hakkokin bil-Adama.

“Saboda haka na bi sahu wajen kira da a gudanar da bincike mai zaman kansa a kan wadannan zarge-zarge na keta hakkokin bil-Adama”, inji Quintana.

Mista Quintana ya kuma ce an zargi sojoji da ’yan sandan kasar ta Burma da aikata kashe-kashe, da ganawa mutane ukuba, da kuma kame na babu gaira babu dalili bayan an kwashe mako guda ana taho-mu-gama.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.