BBC navigation

Makomar Syria na cikin hadari_Assad

An sabunta: 1 ga Agusta, 2012 - An wallafa a 11:01 GMT
Shugaban kasar Syria, Bashar Al-Assad

Shugaban kasar Syria, Bashar Al-Assad

Shugaban Syria Bashar Al-Assad ya yi gargadin cewa gumurzun da ake yi tsakanin dakarun 'yan tawaye da kuma na gwamnatin Syria ne zai tantance makomar kasar.

A wata sanarwa da aka fitar don tunawa da 'yan mazan jiya, Assad ya yabawa sojoji wajen yin fito-na- fito da wadanda ya kira gungun 'yan ta'adda masu dauke da makamai.

A baya-bayan nan dai an yi ta samun fafatawa a kan titunan birnin Damuscus da kuma birni na biyu mafi girma wato Aleppo.

Rahotanni na baya-bayan nan na nuna cewa a karon farko fada ya barke a kusa da unguwannin da Kiristoci ke zaune a tsohon birnin Damuscus.

Masu fafutuka dai sun kiyasata cewa kimanin mutane dubu ashirin ne suka rasa rayukansu tun fara tashin hankalin a watan Maris na shekarar da ta wuce.

Mako biyu kenan rabon da Assad ya yi jawabi a fili, gabannin fitar da sanarwar.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.