BBC navigation

Al Assad yayi tsokaci akan fadan Aleppo

An sabunta: 1 ga Agusta, 2012 - An wallafa a 15:45 GMT

Shugaba Basar Al Assad

Yayin da gwawarmayar kwace iko da Aleppo birni mafi girma a Syria ke cigaba, shugaba Bashar Al Assad ya fadawa dakarunsa cewa, fadan kwace iko da Aleppo yana da matukar muhimmanci wajen fayyace makomar kasar da ma al'ummarta.

Sai dai kuma 'yan tawayen Syrian sun samu makamai masu linzami dake kakkabo jiragen saman yaki, kuma suna karfafa iko da wasu sassan birnin Aleppo, duk da cewa kafofin yada labarun gwamnati na cewa, dakarun gwamnatin sun yi mummunar barna ga wadanda suka kira, 'yan ta'adda dake dauke da makamai.

Kakakin tawagar majalisar dinkin duniya a Aleppo Susan Ghosheh ta tabbatar da cewa yanzu 'yan tawayen sun mallaki muggan makamai ciki har da tankunan yaki.

A yanzu haka dai yakin ya fi kazanta ne a Aleppo, inda masu fafutuka suka ce mayakan 'yan tawaye sun kwace ofisoshin 'yan sanda da dama.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.