BBC navigation

An kama makamai a Maiduguri

An sabunta: 1 ga Agusta, 2012 - An wallafa a 08:03 GMT

'Yan sandan Najeriya

A Najeriya, rundunar da ke aikin wanzar da tsaro a jihar Borno- JTF, ta ce ta kama motar akori-kura dauke da makaman roka guda 8, da bama-bamai 10, da kuma kurtun alburusai guda 13, bayan da ta samu bayanan sirri.

Kakakin rundunar, Laftanal Kanal Sagir Musa, ya shaida wa manema labarai a Maiduguri cewa, a ranar Litinin ne rundunar ta kama makaman, sannan ta kashe mutane biyu cikin uku da ke cikin motar bayan da suka bude wa sojojin wuta, inda su kuma suka mayar da martani.

Lamarin dai ya faru ne a kauyen Dabar Masara da ke karamar hukumar Monguno kusa da kan iyakar Najeriya da kasar Chadi.

Laftanal Sagir Musa, ya kara da cewa mutum na uku ya gudu, amma an samu bundugogi kirar AK47 guda biyu a wajen mutane biyun da aka kashe.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.