BBC navigation

Mutane dubu dari biyu sun tsere daga Aleppo

An sabunta: 30 ga Yuli, 2012 - An wallafa a 07:14 GMT

rikici a Aleppo, Syria

Majalisar Dinkin Duniya ta ce mutane dubu dari biyu ne suka tsere daga birnin Aleppo dake Syria a kwanaki biyun da suka gabata yayin da dakarun gwamnatin ke ci gaba da lugudan wuta.

Majalisar dai na kira da a bawa kungiyoyin bada agaji damar isa ga sauran mutanen da suka makale a birnin da ba a san yawan su ba.

Shugabar hukumar ba da agaji ta Majalisar Dinkin Duniya Dr. Valerie Amos ta ce tana cikin matukar damuwa da illolin da luguden wuta da manyan makamai za ta haifar a kan farar hula a birnin na Aleppo da Damascus da sauran birane.

Amos tace an rutsa da mutane bila-adadin a birnin Aleppo tana cewar ana bukatar kai dauki na kayayyakin da suka hada da abinci da ruwan sha da barguna.

Kari a kan wannan labari

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.