BBC navigation

Romney: daidai ne Israila ta kare kanta

An sabunta: 29 ga Yuli, 2012 - An wallafa a 18:41 GMT

Mitt Romney

Dan takarar shugaban kasa na jam'iyyar Republican a Amurka, Mitt Romney, ya ce nauyi ne da ya rataya a wuyan Amurka ta hana Iran mallakar makaman nukiliya.

Yayin wani jawabi a birnin Kudus, ya ce Amurka ta gamsu da 'yan cin da Isra'ila take da shi na kare kanta, kuma ya kamata kasashen biyu su dauki dukkan matakai domin hana Iran kera makaman nukiliya.

Ya kuma ce, wauta ce ko kuma abinda ya fi haka idan aka dauki kalaman shugabannin Iran suka musanta an yi ma Yahudawa kisan kiyashi, ko suka tabo batun shafe Israila daga taswirar duniya, a matsayin maganganu ne kawai na fatar baki kawai.

Wakilin BBC ya ce yayin da ya rage kwanaki dari a gudanar da zaben shugaban Amurka Mr Romney na son nuna cewa zai iya daukar tsauraran matakai fiye da shugaba Obama kan harkokin kasashen waje.

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.