BBC navigation

Yawaitar bindiga a hannu Amurkawa ya dami Obama

An sabunta: 26 ga Yuli, 2012 - An wallafa a 09:20 GMT

Shugaban Amurka Barrack Obama lokacinda ya ziyarci garin Aurora inda aka yi harbe-harben

Shugaba Barack Obama ya sha alwashin yin aiki tare da manyan jam'iyyun Amurka a majalisar dokokin kasar da kuma shugabannin al'umma domin cimma matsaya kan rage yawan kai hare-hare da bindiga kan jama'a a kasar.

Mr. Obama yayi wannan kalamin ne wajen wata yekuwar neman zabe a jahar New Orleans kwanakki bayan da wani dan bindiga-dadi ya bindige mutane akalla 14 a wani gidan sinima da ke jihar Colorado.

Shugaban na Amurka yace zai yi duk abinda hankali zai dauka wajen fitarda bindigogi daga hannun miyagun mutane da kuma marasa hankali a kasar.

''Mun san mallakar bindiga al'adar Amurkawa ce ta kaka da kakanni amma na tabbatar; da yawa daga cikin wadanda suka mallaki bindiga za su amince da ni cewa bindigar AK47 tafi dacewa da hannun soji ba wai masu aikata laifuka ba.''inji shi.

Kari a kan wannan labari

Maudu'o'i masu alaka

BBC © 2014 BBC ba ta da alhakin abubuwan da ke kunshe a shafukan da ba nata ba.

Wannan shafin zai fi kyan gani, idan an shige shi da browser mai salo na bai daya. Yayinda za ka iya samun damar duba abin da wannan shafin ya kunsa a browser da kake da ita a halin yanzu, ba za ka samu damar ganin dukkan abin da shafin ya kunsa kamar yadda ya kamata ba. Dubi yiwuwar inganta manhajar browsar ka, ko kuma ka samu browser mai salo na bai daya, idan har za ka iya.